22. april 2002

UPA 2002/16

 

A l l a n n g u u t i s s a t u t s i u n n e r s u u t

uunga

Aalisarneq pillugu Inatsisartut inatsisaata allanngortinneqarneranik Inatsisartut inatsisissaattut siunnersuut.

 

Aappassaaneerneqarneranut Naalakkersuisunit saqqummiunneqartoq.

 

§ 1, nr. 3-mut

1. § 10a, imm. 2 ima oqaasertaqassaaq:
"Imm. 2. Aalisarnerup ingerlanneqarnissaanut atugassarititani allanngortitsinernik piffissanut killilikkanik taamatullu aamma aalisarnerup qaqugu aallartinneqarsinnaaneranik unitsinneqarnissaanillu Naalakkersuisut nalunaaruteqarsinnaapput."

2. § 10a, imm. 3 ima oqaasertaqassaaq:
"Imm. 3. Imm. 2 malillugu nalunaarutit imm. 1 tunngavigalugu malittarisassiat naapertorlugit nalunaarutigineqarlutillu atortussanngortinneqartassapput. Nalunaarutit Nalunaarutit-Grønlands Lovsamlingimi saqqummiunneqartassanngillat."

 

§ 1, nr. 5-imut

3. § 32, imm. 1 ima oqaasertaqassaaq:
"Naalakkersuisut Aalisarneq pillugu Siunnersuisoqatigiinnik pilersitsissapput aalisarnermi soqutigisaqaqatigiiffinnit ilaasortaaffigineqartumik."

 

Nassuiaatit

Inatsisissatut siunnersuutip danskisuuanut saqqummiunneqartumut, ulloq 12. april 2002 ullulerneqarsimasumut, sanilliullugu oqaasertaani allangortitsisoqanngilaq.

Allannguutissatut siunnersuut saqqummiunneqarpoq siunnersuutip siullermeerneqarnerani inatsisissatut siunnersuutip kalaallisuuani aalajangersimasunik kukkuneqarnera uparuarneqarmat. Kukkunerit taakku iluarsiniarlugit inatsisissatut siunnersuutip misissuataarneqarneranut atatillugu aamma oqaasertaasigut allannguisoqalaarpoq.